Jeksenbi, 17 Qaraşa 2019
Jañalıqtar 1198 1 pikir 27 Qırküyek, 2019 sağat 15:16

«Terminderdi irikteudiñ kriteriyleri men principteri» attı seminar ötti

Bügin Almatı qalasında Qazaqstan Respublikası Mädeniet jäne sport ministrligi Til sayasatı komitetiniñ tapsırmasımen Ş.Şayahmetov atındağı «Til-Qazına» wlttıq ğılımi-praktikalıq ortalığı «Terminderdi irikteudiñ kriteriyleri men principteri» respublikalıq ädistemelik seminar ötkizdi.

Respublikalıq ädistemelik seminardıñ özektiligi – Qazaqstan Respublikasında Tilderdi qoldanu men damıtudıñ  2011-2019 jıldarğa arnalğan memlekettik bağdarlamasın iske asıru maqsatında qazaq tilin ğılım tili retinde damıtu üşin terminderdi birizdendiru jäne irikteu kriteriylerin belgileu, principterin ayqındau.

Seminar QR Mädeniet jäne sport vice-ministri N.Däueşovtiñ kirispe sözimen aşıldı.

Terminderdi irikteu men resmi bekituge qoyılatın negizgi talaptardı ayqındau seminardağı bayandamalardıñ bastı taqırıbı boldı. QR WĞA korrespondent müşesi, filologiya ğılımdarınıñ doktorı Ş.Qwrmanbaywlı öz bayandamasında terminderdi irikteudiñ kriteriylerin jäne principterin  belgileu mäselesin köterip, naqtı wsınıstarın jetkizdi.

Kelesi bayandamaşı A.Baytwrsınwlı atındağı Til bilimi institutınıñ ğılımi qızmetkeri, filologiya ğılımdarınıñ doktorı Q.Küderinova jaña älipbige köşu barısındağı terminderdiñ jazılu ülgisi mäselesine toqtaldı.

Qazaq tili älipbiin latın grafikasına köşiru jönindegi Wlttıq komissiya janındağı Terminologiyalıq jwmıs tobınıñ müşesi, filologiya ğılımdarınıñ doktorı Q.Aydarbek terminologiyanıñ tildik normativtik şarttarın talqığa saldı.

Elimizdegi tanımal ğalımdar atsalısıp jatqan «Qazaq tilindegi 100 jaña oqulıq» jobasın iske asıru barısında kezdesken qiınşılıqtar  men olardı şeşu joldarı jayında söz alğan Wlttıq audarma byurosınıñ redaktorı, filosofiya ğılımdarınıñ kandidatı Ä.Qwranbek öz täjiribesimen bölisti.

Ş.Şayahmetov atındağı «Til-Qazına» wlttıq ğılımi-praktikalıq ortalığı Qoldanbalı lingvistika basqarmasınıñ basşısı, filologiya ğılımdarınıñ kandidatı S.Iteğwlova termintanu ğılımınıñ bügingi ahualı men terminjasamnıñ bastı qağidaları boyınşa köpşilikke aqparat beruge arnalğan elektrondıq alañdı tanıstırdı.

Sonday-aq atalğan ädistemelik seminarda birqatar ğalımdar men sala mamandarı söz alıp, öz pikirlerin bildirdi.

İsşarağa Prezident Äkimşiliginiñ jauaptı qızmetkerleri, jetekşi ğalımdar, Qazaqstan Respublikası Ükimetiniñ janındağı Respublikalıq terminologiya komissiyasınıñ müşeleri, Qazaq tili älipbiin latın grafikasına köşiru jönindegi Wlttıq komissiya janındağı Terminologiyalıq jwmıs tobınıñ müşeleri, ortalıq jäne jergilikti atqaruşı organdardıñ jauaptı qızmetkerleri, til salası boyınşa öñirlik basqarma basşıları men qızmetkerleri jäne BAQ ökilderi qatıstı.

Respublikalıq ädistemelik seminardıñ qorıtındısı boyınşa terminderdi irikteu kriteriylerin belgileuge, principterin ayqındauğa bağıttalğan qarar qabıldandı.

Abai.kz

1 pikir