Senbi, 19 Qazan 2019
Özekti 1101 2 pikir 7 Qazan, 2019 sağat 12:43

Sapasız audarma - til bwzadı, ministr hanım!

Bizdegi audarma qızmeti de biznes ortağa berilgen. Ökinişke oray, tiisti zañnamağa say olardı tekserip, jwmıstarına qadağalau jasauğa bolmaydı. Bwl bizneske jasalğan qısım bolıp esepteledi. Osı erkindik büginde onsız da audarma tilge aynalıp bara jatqan töl tilimizdi büldirude...

Juırda yutub kanalında jurnalist Aman Tasığanğa bergen swqbatında Mädeniet jäne sport ministri bwğan mınanday mısal keltirdi. Onıñ aytuınşa, reseylik telekompaniya öz kinosınıñ qazaqşa subtitrin jasatu üşin osı audarma ortalıqtarınıñ birine jügingen. Olar aqısın alıp, jasap bergen. Tilimizdi bilmeytin olar subtitrdiñ qalay şıqqanın qaydan bilsin?! Bäri kino osında äkelip körsetilgende belgili boldı.

Subitrde qateden köz sürinedi. Sonşa qarjığa jasalğannan keyin, onıñ üstine jwmıstı sapasız jasap otırğan qazaqtardıñ özi bolsa olar ne istesin. Osılayşa kino köpşilikke körsetilip ketti. Mwnday mısaldar öte köp. Aynalıp kelgende zardap şekken wltımızdıñ tili, onımen söyleytin az ğana qazaqtar boldı.

Küldibadamğa aynalğan subitrler,özge de aularmalar talaylardıñ til üyrensek,sözdik qordı damıtsaq degen qwştarlığın su sepkendey etkeni dausız.Sonda deymiz de osınday ortalıqtarğa licenziya beru kezinde til tazalığı, olardıñ qwrılımına qatıstı erejelerdi saqtau, qwnarın tolıqqanda paydalanu jönindegi talaptar nege qoyılmağan degen oy keledi.

Ministrlik biz olardı teksere almaymız, tek qana monitoring jasay alamız deydi. Eger naqtı şara qoldanılmasa mwnday monitoringten ne payda? Ol tek biraz adamğa jalaqı töleu üşin ğana qajet bolıp qaladı ğoy.

Osı şaranıñ nätijesinde audarmanı talapqa say jasamay jürgen ortalıqtardıñ licenziyasın nege alıp qoymasqa, nemese basqaday şaralar qarastırmasqa?! Audarma qazaq tiliniñ tınısın tarıltpay, kerisinşe onıñ ayasın keñeytip, märtebesin köteru üşin osınday tetikter qajet siyaqtı... Äytpese, bügingi audarma keybir jolbikelerdiñ tilimizdi şwbarlap, oñay jolmen tiın tabuınıñ ğana qwralına aynalıp bara jatqanday...

Ayşa Qwrmanğali

Abai.kz

2 pikir