TÓRTINShI  DAUA

Jinaqty joyyludan saqta

Altynnyng jarqyly qayghy tartady.Ámiyandaghy altyndy joghaludan saqtaghan jón.Sondyqtan da, danagóy adam Jaratqannyng búiryghymen iri salym qolgha týskenshe, әueli az ghana somany iske salyp, sony saqtaudy ýirenedi, - dep bastady dәrisin Arqat tórtinshi kýni,- Árbir altyny bar adam, senimdi kóringen iske ýlken qarjysyn salghysy kelip, qypyldaydy da túrady. Ol kóbine dostary men tuystarynyng jolyn quyp, solay isteydi de.

Qarjy saludyng birinshi әri basty ústanymy - negizgi dәuletting saqtaluyn qamtu. Basty jinaghyng joyylsa, ol isten payda izdeuding qanday mәni bar? Mening aitatynym - joq! Onday tәuekelding tólemi barynnan aiyrylu boluy mýmkin. Iske salar qorynmen qoshtaspay túryp, onyng qaytyp oralaryna kóz jetkizip, zerdelegen jón. Tezirek baydy kóksegen ózinning jelbuaz tilegindi basshylyqqa almaghaysyn.

Jinaghan qoryndy bireuge ótkizer búryn, ol kisining qaytarym qabyleti men abyroyynyng dúrystyghyn teksergen dúrys, әitpese, ebil-sebil bolyp jinaghan qoryndy oghan óz qolynmen syigha tartqanday kýy keshuing yqtimal.

Aqshandy әldebir iske salar búryn, onyng yqtimal qaupin oilastyryp alghan abzal.

TÓRTINShI  DAUA

Jinaqty joyyludan saqta

Altynnyng jarqyly qayghy tartady.Ámiyandaghy altyndy joghaludan saqtaghan jón.Sondyqtan da, danagóy adam Jaratqannyng búiryghymen iri salym qolgha týskenshe, әueli az ghana somany iske salyp, sony saqtaudy ýirenedi, - dep bastady dәrisin Arqat tórtinshi kýni,- Árbir altyny bar adam, senimdi kóringen iske ýlken qarjysyn salghysy kelip, qypyldaydy da túrady. Ol kóbine dostary men tuystarynyng jolyn quyp, solay isteydi de.

Qarjy saludyng birinshi әri basty ústanymy - negizgi dәuletting saqtaluyn qamtu. Basty jinaghyng joyylsa, ol isten payda izdeuding qanday mәni bar? Mening aitatynym - joq! Onday tәuekelding tólemi barynnan aiyrylu boluy mýmkin. Iske salar qorynmen qoshtaspay túryp, onyng qaytyp oralaryna kóz jetkizip, zerdelegen jón. Tezirek baydy kóksegen ózinning jelbuaz tilegindi basshylyqqa almaghaysyn.

Jinaghan qoryndy bireuge ótkizer búryn, ol kisining qaytarym qabyleti men abyroyynyng dúrystyghyn teksergen dúrys, әitpese, ebil-sebil bolyp jinaghan qoryndy oghan óz qolynmen syigha tartqanday kýy keshuing yqtimal.

Aqshandy әldebir iske salar búryn, onyng yqtimal qaupin oilastyryp alghan abzal.

Mening de alghashqy aqsha salymym uayymgha dushar etti. Bir jyl boyghy jyighan-tergenimdi Azmúr esimdi kirpishshige berdim de jiberdim, al ol maghan Tir qalasyndaghy fiynekeylikterden siyrek asyl tas  satyp әkeluge tiyis bolatyn. Ol kelgesin tastardy satyp, paydany teng bóluge keliskenbiz. Oghan alayaq fiynekeylikter jolyghyp, tastyng ornyna týrli týsti shólmek berip jiberipti.Sóitip, mening jinaghym qúrdymgha ketti. Endi býginde men kirpishshige asyl tas saudasyn tapsyru aqymaqtyq ekenin bilem.

Sondyqtan senderge óz tәjiriybemdi jetkizemin: altynyndy tәuekel etip, óz aqylyna senbe. Onan da, altynmen isteudi mengergen bilikti adamnan kenes alghan dúrys.Onday kenesti tegin alugha bolar, biraq qúny sen iske salar altynnyng qúnymen parapar.Ol shynynda da solay, eger sol kenesting arqasynda jinaghyng joyyludan aman qalsa.

Qabysqan әmiyan ýshin tórtinshi daua mynau: óz jinaqtaryndy paydamen qaytaryp alatynday, senimdi iske salu arqyly saqtandar. Aqylgói, bilikti adamnan kenes alyndar.Biliktining kenesi altyngha parapar.Ári onyng aqyldy kenesi senderding әmiyandaryna qoyghan kýzet bolyp tabylady.

BESINShI  DAUA

Jinaqty túrghynjaygha sal

- Eger de adam óz tabysynyng toghyzynshy bóligin jinay berse jәne búnyng belgili bir bóligi ziyansyz paydaly iske salynyp, iygilikke ainalsa, onda soghúrlym baylyq tezirek payda bolady, - dep bastady Arqat besinshi kýngi dәrisin shәkirtterge,- Babylda kóptegen adamdar jaysyz jaghdayda tirlik etude. Olar baspana ýshin ýlken aqsha tóleude, biraq ol orynjaylarda әielining janyn semirtetindey gýl egetin de búrysh joq, al balalargha qoqystyng manynan basqa oinaytyn oryn da tabylmaydy.

Balalary taza jerde erkin oinaytyn, әielderi gýlmen birge janúyagha paydaly kókónis egetindey aulasy bolmaghansha, eshbir janúya ómirding rahatyn kóre almas.

Erkekting kónili kóterile qoymas, óz aghashynan injir men óz bútaghynan jýzim jemey.Jeke túrghynjay onyng janyn semirtip, kelesi bastamalargha quat berer edi.Sondyqtan da, ózin de otbasyn da qorghaytyn әr kisige baspana kerek.

«Shyn jylasa, soqyr kózden jas shyghar» demekshi, kez kelgen adam sonsha tilese, óz baspanasy bolady da qoyady. Patshamyz qala dualyn kenitkeni sonsha, endi Babylda qarapayym kisi satyp alarday bos jer bóligi kóbeygen joq pa?

Taghy aitarym, shәkirtter, molaytushylar ýy men jer satyp alugha niyetti adamdargha quana kelisedi.Eger ózderinde qúrylysshygha beretin aqsha jetkiliksiz bolsa, olar ony qaryzgha beruge dayar.

Ýilering salynyp bitkende, molaytushygha tiyesili jarnany búrynghy ýy jaldaushy qojayyngha tólegendey, qinalyssyz berip túra alasyz.Osynday әrbir tólem senderding bereshekterindi kemitedi de, birneshe jyldan song qaryzdan eshtene de qalmaydy.

Sóitip, keudelerindi quanysh kerneydi, sebebi, sender, otaghalar, qúndy menshikke ie bolasyndar da, patshagha tóleytin salyqtan basqa eshtene qalmaydy.

Al, otana ózenge baryp kir juady da, qaytarda mes toly sudy әkelip,ósimdikterin suarady.

Jeke baspanasy bar adamnyng artyqshylyghy jetedi. Eng bastysy, ol ómirdegi shyghyndy azaytyp, sayran men jeke bas qajettilikterine molyraq júmsaytyn bolady.Qabysqan әmiyannyng besinshi dauasy degenimiz osy: jeke baspanaly bol.

ALTYNShY  DAUA

Keleshekke jeter tabysty qamty

- Ár adamnyng ghúmyryn onyng balalyq shaghynan egde shaghyna deyin kezeng qamtidy. Bәrimizding de ómir jolymyz osy, odan auytqugha eshkimning de qauqary joq, eger Jaratqan ózine búrynyraq qaytarmasa.Sondyqtan da, qauqary ketpey túryp, artynda qalatyn әuleti ýshin adam ózine layyq tabys tabugha әzirlenui kerek deymin. Búl sabaq senderge bolashaqta eshtene ýirene almaytyn egde kezde tolyq әmiyan ústap jýruge ýiretedi.- dep bastady Arqat altynshy dәrisin shәkirtterge.- Baylyqtyng ósu zanyn bile túra aqsha jinaghan adam, ylghy da keleshek turaly oilauy kerek. Der kezinde aldyn ala oilastyrylghan jyldargha jetetindey keybir salymdy josparlaghan abzal.

Myghym bolashaqty qamtudyng joldary kóp. Layyqty da jasyryn jer tauyp, oghan óz jinaghyndy kómip tastaugha bolady. Alayda, qanshalyqty jasyrsanyz da, onday qazyna úrylardyng tabyndysyna ainaluy qiyn emes. Sondyqtan búl jolmen jýruge kenes bermeymin.

Artyghymen ýy men jer bólikterin satyp alugha bolady.Eger olar dúrys tandalyp, bolashaqta óz qúnyn saqtay alsa, onda odan týsetin tabys ne satu týsimi atalmysh maqsatqa layyq qyzmet etui әbden mýmkin.  Shaghyn somany molaytushygha tapsyryp, ony túraqty týrde tolyqtyra beruge de bolady. Ýsteme payyzyn qosqanda, ol keleshekte qomaqty ósim bola alady.Men Ansan esimdi etikshini bilem, ol maghan segiz jyl boyy molaytushygha apta sayyn eki kýmis tenge tapsyryp túrghanyn aitty.Juyrda molaytushy salymdy eseptese, aitarlyqtay soma bolypty. Árbir tórt jyldaghy shiyrek soma ósimin qosqanda, oghan myng qyryq kýmis baqyr qorlanypty. Men oghan endi on eki jyl boyy taghy da apta sayyn eki kýmis saludy úsyndym da, molaytushy oghan tórt myng kýmis tóleytindigin aittym. Ol soma - qartayyp ólgenshe jetetin qor.

Eger de úsaq jarnanyng ózi  osynday payda keltirse, endeshe әr adam ózining egde kýni men janúyasyn qorghaudy iygilikpen qamtudy, kәzirgi isi qanday paydaly bolsa da qolgha alghany abzal.

Búl aitylghangha taghy birdeneni qosqan jón. Bir kýni әldebir dana kisining adamzat ýshin ólimge qarsy qamdanu jolyn oilap tabatynyna ishtey senemin. Ol tәsil boyynsha adamdar ómir boyy úsaq jarna tóley otyryp, artyndaghy janúyasy ýshin ol qomaqty somany qaldyratyn bolar. Men osyny sonsha tileymin, biraq ol kәzir mýmkin emes, óitkeni, onday mәmile molaytushy ghúmyrynan da úzaq mezimdi qamtuy kerek. Onday mәmile patshanyng taghynday úzaq ta senimdi boluy kerek. Menimshe, týbinde onday jospar ómirge enedi de, ol da kóptegen adamnyng iygiligine ainalady.Óitkeni, qanday úsaq jarnanyng ózi, janúyadan bireu qaytys bolsa, tiyisti iygilikti barlyq janúyanyng bólisuine qúqyq beredi.

Alayda, biz bolshaqta emes, óz zamanymyzda ghúmyr keshkendikten,  biz býgin qolda bar saymandar men joldargha iyek artuymyz kerek.Sondyqtan da bәrine egde jasqa tolghanda óz әmiyandaryndy qay jolmen qamsyzdandyrudy oilastyrugha kenes berem.Sebebi, adam nan taba almaytyn bolsa nemese janúya asyraushysynan aiyrylsa, ýlken qayghy basary anyq.

Sonymen qabysqan әmiyangha arnalghan altynshy daua: egde kezendegi óz qajeting men janúyandy qorghaugha aldyn ala qamdan.

JETINShI  DAUA

Tabys tabu mýmkindigin keneyte týs

- Men býgin, shәkirtter, әmiyan qampaytudyng eng basty saymandarynyng biri turaly әngimeleymin. Biraq ta, men altyn turaly emes, aldymda aluan týsti kiyimge jasyrynghan sender turaly aitpaqpyn. Senderding sanalaryndaghy óz jetistikterine kedergi bolar jayttar turaly aitamyn,- dep audardy shәkirtterining nazaryn jetinshi kýni Arqat,- Juyrda maghan bir jas jigit keldi de, menen qaryzgha aqsha súrady,- Men odan qaryzdy ne ýshin alatyndyghyn súraghanymda, ol tabysynyng kýndelikti qajetke jetpeytindigin aityp, shaghyndy. Oghan múnday jaghdayda molaytushy ýshin onyng nashar kliyent ekenin, qaryzdy qaytarugha artyq aqshasynyng joqtyghyn aittym.

- Qaraghym,- dedim oghan,- saghan kóbirek tabys tabu kerek. Tabysty kóbeytu ýshin ne isteudesin?

- Qoldan kelgenning bәrin,- dedi ol.- Qojayynyma eki aida alty ret baryp maghan jalaqymdy kóbeytudi ótindim, biraq nәtiyje bolmady.Oghan odan da jiyirek baru mýmkin bolmady.

Búl jastyng anghaldyghyna kýluge bolar, biraq onyng boyynda tabysty ýsteuge degen bir manyzdy shart bar: onyng tilegi - barynsha molyraq tabys tabu.  Búl baghaly da, maqtaugha túrar tilek.

Alghyshart  retinde tabys tabugha degen adamda asa kýshti de aiqyn tilek boluy qajet. Ayqyndalmaghan tilek - ol bar bolghany arman ghana.Baygha úmtylatyn adam ýshin onyng paydasyz joq. Eger adam bes altyn aqsha tapqysy kelse, onday tilek oryndalady.Eger oghan ol qol jetkizse, onda ol dәl solaysha on da, jiyrma da, myng da aqsha taba alady da, aqyrynda bayyp ketedi.Úsaq tilekti oryndau arqyly ol ózin úly tilekterge әzirleydi.Baylyq osynday joldarmen ghana qúralady. Áueli ol úsaq-týiekten jinalady da, artynan adamnyng bilik pen tәjiriybe jinaqtauyna oray, búl soma úlghaya beredi, úlghaya beredi.

Tilek qarapayym da, anyq boluy kerek. Ol asa kóp jәne kýrdeli bolsa, eger de ol búldyr әri adamnyng óz mýmkindiginen tys bolsa,   kýshin joyady.

Adamnyng óz kәsibi boyynsha kemeldenuine oray, onyng tabys tabu qabyleti de shyndala týsedi.Men qarapayym jazghysh kezimde kýnige tiyesili qos baqyr tiyn ýshin saz kirpishshege býkireimen bolsam da, ózge jazghyshtardyng kóbirek jazyp, sәikesinshe kóp aqsha tapqanyn bayqadym.Sondyqtan da men aldyma jan salmay jazudy ýirendim. Maghan әlgilerding jetistikterin úghugha kóp uaqyt ketken joq. Júmysqa degen molyraq mýdde men ynta, kóbirek qaysarlyq - mine, ózgelerdi menen de kóp sazjazba óndiruge jetkizgen sebepter osylar edi. Mening búl tyrysuym aqyry marapattaldy, sóitip, maghan qojayyngha alty ret jalaqy kóbeytu jóninde barudyng qajeti bolmady.

Neghúrlym kóbirek bilsek, soghúrlym kóp tabysqa kenelemiz.Óz isi jóninde kóp biluge úmtylatyn adam mindetti týrde marapattalady.Eger ol suretshi bolsa, daryndy óz әriptesterinen әdister men tәsilderdi ýirenui kerek. Eger ol zanmen shúghyldansa nemese dәriger bolsa, sol kәsippen ainalysatyn biliktilerden kenes alyp, bilim bóliskeni jón. Eger ol saudager bolsa, onda ylghy da sapaly arzan tauardy izdep tabuy qajet.

Tabys ýshin kimge tәueldi bolsanyz, soghan jaqsy qyzmet etu jolynda túraqty týrde kemeldenip, biligindi qoldanu kerek.Sondyqtan da senderdi ylghy da izdenip, ózgening artynda shang qauyp qalmaudy qarastyrugha shaqyramyn.

Kóptegen nәrse adam ómirin qúndy tәjiriybemen bayyta týsedi.Eger adam ózin ózi qúrmettese, mynaghan úmtylghany jón:

- ol qaryzyn merziminde ótep, shamasy jetpeytin qaryz almaghany dúrys;

- ot basyndaghylar jaqsy oilap, maqtauly sóz aituy ýshin, ol óz janúyasyna qamqor boluy tiyis;

- odýniyege abyroymen ketui ýshin, mýlki әdiletpen bólinui ýshin ol bәrin ósiyetpen qaldyrghany abzal;

- ol sәtsizdikke dushar bolghangha jany ashyp, qolynan keler jәrdemin tiygizgeni jón;

- ol ózine qymbatty jandargha qol úshyn berui qajet;

Sonymen, qabysqan әmiyangha kerek jetinshi daua mynau: danalyq pen bilikke qol jetkizu ýshin izden,oqy jәne ózindi ózing qúrmetteytindey qylyqty tanda.Sonda ghana ózine degen senim zorayyp, ózing ansaghan tilekterge jete alasyn.

Ózimning úzaq ta,jemisti ghúmyrymda ashqan qabysqan әmiyangha arnalghan jeti daua osy edi, búlardy baylyqty ansaghandardyng bәrine paydalanugha kenes berem.

Babyldaghy altyn sender oilaghannan da mol, shәkirtterim. Ol bәrimizge de jetedi.

Baryndar da, osy aitylghan aqiqatty ózderinning gýldenulerine qoldanyndar.

Baryndar da, osy bilimdi úly patshamyzdyng qarauyndaghy әr adamgha berinder, olar da bata daryghan qalamyzdyng iygiliginen óz ýlesterin alsyn.

audarghan – Serik Ábdireshúly

Jalghasy bar..