Seysenbi, 31 Naurız 2020
943 8 pikir 8 Qazan, 2019 sağat 11:57

Qazaqstan ükimeti äleumettik kömektiñ jaña jobasın wsındı

Ükimet aldağı jıldan bastap köp balalı otbasılarğa järdemaqı mölşeri köbeyip, tabısı azdarğa ataulı äleumettik kömek beru mehanizmi özgeretinin habarladı.

Qazannıñ 7-i küni Nwr-Swltanda ötken ükimet otırısında eñbek jäne halıqtı äleumettik qorğau ministri Birjan Nwrımbetov äzirlengen zañ jobasında 2020 jıldıñ qañtarınan bastap balaları 18 jasqa tolmağan köp balalı otbasılarğa tabısına qaramastan 42 mıñnan 72 mıñ teñgege deyin (109-187$) järdemaqı beru qarastırılğanın habarladı. Onıñ sözinşe, järdemaqı är balağa şamamen 10-11 mıñ teñgeden esepteledi.

Äleumettik kömektiñ jaña mehanizmi boyınşa järdemaqınıñ naqtı kölemi öñirlerdiñ erekşelikterine qaray özgeredi dep habarladı eñbek jäne halıqtı äleumettik qorğau ministrligi. Eger köp balalı otbasılar tabısı az janwyalar qatarına ense, olarğa järdemaqıdan özge ataulı äleumettik kömek (AÄK) te beriledi. Ataulı äleumettik kömek künköris minimumınıñ 70 payızı deñgeyinde saqtaladı. Alayda mwnday otbasılardağı jwmısqa jaramdı adamdardıñ barlığı äleumettik kelisimşart arqılı eñbekpen qamtu ortalıqtarımen belsendi jwmıs isteui tiis. Äleumettik kelisimşarttı orındamağan otbasılarğa AÄK berilmeydi deydi ministrlik.

Eñbek jäne halıqtı äleumettik qorğau ministrliginiñ mälimetinşe biıl toğız ayda elde 412 mıñ otbasığa nemese 2 million 138 mıñ adamğa ataulı äleumettik kömek berilgen.

Abai.kz

8 pikir