Beysenbi, 14 Qaraşa 2019
46 - söz 1405 43 pikir 21 Qazan, 2019 sağat 10:49

Aqın-jazuşılar men ğalımdar parlamentte otıru kerek

QR Prezidenti Qasım-Jomart Toqaev Wlttıq qoğamdıq senim keñesin qwru turalı bastamanı mamır ayınıñ basında öziniñ saylaualdı bağdarlamasın tanıstıru barısında jariyaladı. Bilik pen halıq arasındağı dialogtı damıtu maqsatında qwrılğan keleli keñestiñ alğaşqı otırısı 6 qırküyek küni Prezidenttiñ törağalığımen ötti. Jaña organnıñ otırısında bwqaranıñ kökeyinde jürgen mäseleler qozğalıp, kürmeui köp tüyinniñ şeşilu joldarı qarastırıldı. Osı orayda, elimiz üşin mañızdı kezeñde enjar qalmay, öz oyımdı ayta ketudi jön kördim.

San ğasırlar boyı köşpeli qazaq qoğamında zañ şığaruşılıq qızmetti biler atqarğanın jäne şınayı halıqtıq ülgidegi dala parlamenti jwmıs istegenin tarihtan bilemiz. Handıqtağı biler keñesi memlekettiñ sayasi-qwqıqtıq, äskeri-diplomatiyalıq, äleumettik-ekonomikalıq jağdayın tek ädettegi qwqıqpen ğana emes, eldiñ ruhani-mädeni salt-dästürimen wştastıra otırıp qamtamasız etken. Kültöbeniñ basında qabıldanğan "Täuke hannıñ Jeti jarğısında" aforizm, maqal-mätel, qanattı sözderdiñ körinis tabuı sonıñ däleli. Biler "Qasım hannıñ qasqa jolı", "Esim hannıñ eski jolı", "Äz Täukeniñ Jeti jarğısı" zañdar jinağındağı negizgi qağidalar men normalardı tolıq meñgerip qana qoymay, el-jwrtınıñ ädet-ğwrpın, şejiresin, tarihın, kemel pikirlerin şeşen tilmen jetkize alatın dara jandar bolğan. Bolaşaqtıñ jolın babalar salğan joldan izdep, bügingi tañda da ot auızdı oraq tildi aqın-jazuşılar men til, ädebiet, tarih salasındağı ğalımdardıñ Parlamentke köbirek barğandarı dwrıs dep oylaymın. Qazaqtıñ tilin, ädebietin, tarihın jete tüsinetin twlğalar bilik pen halıq arasın jaqındata tüsedi degen senimdemin.

     Tüyitkildi mäselelerdiñ tüyinin tarqatuğa bağıttalğan Wlttıq qoğamdıq keñeske halıq ülken ümit artıp otırğanı ras. Bwğan deyin de köptegen keñester men koaliciyalar bolğan. Alayda, "Bwl keñes bwrınğı keñesten  özgerek" dep bilemin. El irgesi aman, bolaşağımız jarqın bolsın!

Quanış Jwmabek

"Qazaqstannıñ 100 jaña esimi" jobasınıñ jeñimpazı, PhD doktorı 

Abai.kz

43 pikir