Марқакөл ауданын ашу (ашпау) жөніндегі Өкіметтік комиссия сол өңірде жұмысын бастамақшы.
Іске сәт демекпіз.

Бұл мәселе облыс басшылығының бастамасымен емес, керісінше, ол жақтан мәселені "құйымшықтап", жабулы қазанды тұмшалап тастауға тырысу жағдайында болып отыр.

Басқа облыстарда әкімдер халықтың мүддесі үшін шырылдап жүреді.
Бір ғана мысал, Алматы облысының әкімі А. Батталов бұрынғы Нарынқол ауданын ашуды ешқандай у-шусыз, өзінің деңгейінде шешіп берді. Өйткені, өресі биік, мемлекеттік ойлау дәрежесі жоғары. Аудан ашу үшін "бәлембай миллиард" керек деп байбалам да жасамады, айқайлап жар салмады. Үкіметтік комиссия да артынып- тартынып барған жоқ. Нарынқол ауданы ашылды, қазір естуімізше, халық ақырындап көшуде. Мемлекеттік дәрежеде ойлау, ұлттық қауіпсіздік принциптерін терең түсіну дегеніміз осы!

Дәл сондай жағдайдағы Шығыс аудандарын ашу жергілікті әкімшіліктің түсінбеу "қытай қорғанына" тап болды. Ақпаратты тұмшалап, мәселені шегеріп, халықты зар - қақсатып қойды. Көтерген адам әкімшіліктің жауы, "оппозиция". Міне, олардың принципі.

Ал енді, Марқакөлге барғанда Өкіметтік комиссияның екі көзі төрт болары сөзсіз. Халық үдере көшіп жатыр, иен дала, адамдардың өмір сүру индексі төмендеп кеткен. Соқыр немесе керең болмаса, көрер көзге бәрі анық.
Қазір, Үкіметтік комиссияға зейін, ақыл, мемлекеттік тұрғыда ойлау қабілетін тілейік...

Ерлан Саировтың әлеуметтік желідегі жазбасынан

Abai.kz