ЕО-ның сыртқы істер және қауіпсіздік бойынша жоғарғы комиссары Жозеп Боррель Еуропалық одақ Израиль мен "тәуелсіз, демократиялық, егеменді және тұрақты палестин мемлекетінің болуын жақтайтынын" тағы бір нақтылады.
“Америка дауысы" жаңалықтар қызметі хабарлағандай, жоспар палестин мемлекетінің құрылуын қарастырғанымен, ол палестиндіктердің талаптарына жауап бермейді, Израиль мүддесін жақтайды.
Дипломат Жозеп Боррель Израильдің палестин жерлерін аннексиялап алу әрекеті "жауапсыз қалмайды" деп есептейді. Ол бейбітшілікке жету үшін Палестина шекарасын белгілеу мәселесін реттеп, Иерусалим мәртебесін шешу керек деген пікірде.
Палестина автономиясының басшысы Махмуд Аббас Трамптың жоспарын "маңызсыз" деп атаған.
Abai.kz
