Дархан Кәлетаев Қазақстанның Украинадағы елшісі қызметіне тағайындалды. Президент жарлығы Ақорда сайтында жария болды. 

"Дархан Аманұлы Кәлетаев Қазақстан Республикасының Украинадағы Төтенше және өкілетті елшісі қызметіне тағайындалды", - делінген жарлықта.

Ал осыған дейін Қазақстанның Украина мен Молдовадағы елшісі болған Самат Ордабаев қызметінен босатылды.

Дархан Кәлетаев бұған дейін 2019 жылдың наурыз-желтоқсан айларында Президент әкімшілігі жетекшісінің орынбасары қызметін атқарған.

2008-2009 жылдары "Нұр Отан" партиясы төрағасының бірінші орынбасары болған. 2016 жылы Сенат депутаты болып тағайындалды.  2018 жылы ҚР Дін істері және азаматтық қоғам министрі болды. Кейін ҚР Қоғамдық даму министрі болып тағайындалды.

2019 жылы наурызда ҚР Премьер-министрінің канцелариін басқарды. Ал 2019 жылдың наурыз-желтоқсан айларында Президент әкімшілігі жетекшісінің орынбасары қызметін атқарды.

Abai.kz