Оның айтуынша, Германия қазірдің өзінде шетел азаматтарын ЕО елдеріне кіргізбей жатыр. Меркель жақында ғана Еуропалық Одақтан шыққан Ұлыбритания азаматтары да ұйым аймағына кіре алмайтынын ескертті.

Шенген аймағына кіруге тыйым салынатынын бұның алдында Франция президенті Эммануэль Макрон да хабарлаған.

Шенген аймағына Еуропалық Одақ елдерінің дені, сонымен бірге Швейцария, Норвегия, Исландия және Лихтенштейн кіреді. Бұл елдер арасында шекара бақылауы жоқ.

Дүниежүзілік денсаулық сақтау ұйымы жақында Еуропаның коронавирус эпидемиясының ошағына айналғанын мәлімдеген. ЕО елдерінде ондаған мың адам ауру жұқтырды. Италия мен Испания, Германия мен Франция азаматтары жұқпалы кеселден зардап шекті. Вирус Еуропалық Одақтың барлық еліне тарады.

Abai.kz