Вице-премьер-министр Ералы Тоғжановтың туған інісі Батыс Қазақстан облысында аудан әкімі болып тағайындалды.

Марат Токжанов. Ол енді Батыс Қазақстан облысындағы Бәйтерек ауданын басқарады. Бұған дейін Ақтөбе облысында әкімнің орынбасары болып қызмет еткен екен.

Токжанов 1965 жылы Батыс Қазақстан облысында туған. Қарағандыда, сосын БҚО-да университет бітірген. Мамандықтары - тарих пәнінің оқытушысы, қоғамтанушы, заңгер, экономика магистрі.

Еңбек жолын Сәтпаевта мұғалім болып бастаған. Батыс Қазақстан облысында бірнеше лауазымды қызметтерде болған.

2018 жылдың желтоқсанында Марат Токжанов Ақтөбеге облыс әкімінің орынбасары қызметіне тағайындалған. Ол кезде Маңғыстау облысының әкімі болып тұрған Ералы Тоғжанов інісінің жоғарғы қызметке тағайындалуына өзінің еш қатысы жоқ екенін айтып, ағынан жарылған.

Abai.kz