Ким Чен Ын операциядан кейін өлім аузында жатыр деп хабарлайды АҚШ басылымдары. Ол 11 сәуірден бастап халық алдына шықпаған екен. Тіпті атасы Ким Ир Сеннің туған күнін тойлау мерекесінде де көрінбеген.

Ол өлсе де Солтүстік Кореяның билеу жүйесі солай қала береді деп ойлаймын. Ким әулетінен басқа біреу отыруы мүмкін. Бірақ сол тоталитарлық жүйеде отыра береді. Бұл басқару ол әулетке және әулетке жақын әскерилерге өте тиімді. Шексіз билік пен ұшан-теңіз таусылмас байлық бар қолдарында.

Ким өлген соң, режим автоматты түрде демократиялық болады деу қате. Өйткені қылмысты тек Ким жасаған жоқ. Оны генералдар, қолбасшылар, министрлер және т.б лауазымды тұлғалар бірлесе жасады. Концлагерьлер салды, жазықсыз соттар мен өлім жазалары кесілді. Режим бірден демократиялық болып кетсе, сол қылмыстары үшін жаңағылар жауап беруі тиіс. Әрине олар оны қаламайды. Сондықтан 70 жыл тұрған бұл басқару моделін сақтап қалуға тырысады.

ПыСы: бір аптадан кейін ол қайтып келуі де мүмкін

Асхат Қасенғалидың әлеуметтік желідегі жазбасы

Abai.kz