Сейсенбі, 4 Тамыз 2020
COVID-19 ҚАЗАҚСТАНДА. Жұқтырғандар — 93820. Жазылғандар — 65132. Қайтыс болғандар — 1058
1920 3 пікір 14 Шілде, 2020 сағат 14:32

Генерал-майор Әмірбек Тоғысов өмірден өтті

Отставкадағы генерал-майор, ҚР қорғаныс министрінің идеологиялық және әлеуметтік-құқықтық жұмыстар жөніндегі экс-орынбасары, «Генералдар кеңесі» қоғамдық кеңесінің мүшесі Әмірбек Тоғысов өмірден өтті.

Әмірбек Тоғысов 1949 жылы 30 мамырда Алтай өлкесінде дүниеге келген.

Әскери мансабын взвод командирінен бастады және Қазақстан Республикасы Ішкі әскерлері қолбасшысының орынбасары, Қазақстан Республикасы қорғаныс министрінің идеологиялық және әлеуметтік-құқықтық жұмыстар жөніндегі орынбасары болды.

Еңбек демалысына шыққаннан кейін қауіпсіздік қызметі департаментінің директоры, содан кейін «Қазақалтын» ТМК басқарушы директоры болды.

Ол сонымен бірге «Әділетті Қазақстан үшін» ҮЕҰ Алматы қалалық филиалының төрағасы, Жалпыұлттық социал-демократиялық партиясы төрағасының орынбасары, ЖСДП Алматы қалалық филиалының төрағасы, ЖСДП-дан Қазақстан Республикасы Парламенті Мәжілісінің депутаттығына үміткер болды.

Әмірбек Тоғысовты білетін адамдардың айтуынша, ол коронавирус инфекциясынан зардап шеккен.

Abai.kz

3 пікір