Жұма, 29 Наурыз 2024
46 - сөз 4522 6 пікір 15 Шілде, 2020 сағат 15:39

Сырдария өзені тартылып барады, министр мырза!

Экология , геология және табиғи ресурстар министрі Мағзұм Мырзағалиевке Министр мырза!

Бабалардан қалған “Жұт жеті ағайынды” деген сөз бар. Өзіңіз де хабардар боларсыз Сырдария өзені биыл тартылып қалды деуге болады. Өйткені трансшекаралық өзенге қатысты көрші елдермен ең болмаса бір млд.куб су алудың жолдары жасалынбай қалды. Қазір Шардара су қоймасынан секундына 500 куб.су жіберілуде. Шілденің аяғында бұл көлем тағы да қысқартылуы мүмкін, өйткені Шардараның өзіне жоғарыдан су түсіп жатқан жоқ.

Демек Қызылорда облысының Шиелі, Жаңақорған, Қармақшы, Қазалы аудандарының күріш дақылдары сусыз қалады. Бұл аудандардың негізгі күнкөрісі күріш пен бау бақша өнімдері . Су жетпесе ала жаздай диханшылардың еткен еңбегі зая кетеді деген сөз.

Жуырда бір топ егіншілермен кездестім. Сіздер “егін ек, мал бақ күндеріңді көріңдер “ дейсіздер, Сырдарияда су жоқ, еккен егініміз судан қалып бара жатыр деп зар қақанда қалай жұбатарымды білмедім.

Министр мырза, бәлкім өзіңіз, болмаса су комитетінің төрағасы облысқа барып қалыптасқан жағдайды өз көздеріңізбен көріп, тез арада шешім қабылдамасыңыздар кеш болып қалады.

Мен де парламент мүшесі ретінде сіздермен бірге жұмыс жасауға әзірмін. 

Мұрат Бақтиярұлының жазбасы

Abai.kz

6 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1575
Алашорда

Қожанов межелеу науқанында (Жалғасы)

Бейбіт Қойшыбаев 2268
Ғибырат

Қайсар рухты ғазиз жан

Мұхтар Құл-Мұхаммед 3577