Қанат Алпысбаев «Қазпошта» АҚ басқарма төрағасы болып тағайындалды. Оның алдында бұл қызметті Сәкен Сәрсенов атқарған.

«Самұрық-Қазына» ҰӘҚ АҚ басқармасының шешімімен Қанат Қалиұлы Алпысбаев «Қазпошта» АҚ басқармасының төрағасы болып тағайындалды», - деп хабарлады қордың баспасөз қызметі өкілі.

Қанат Алпысбаев 1972 жылы 31 наурызда Атбасар қаласында (Ақмола облысы) дүниеге келген. Алматы теміржол көлігі инженерлері институтын, Кентукки университетін (АҚШ), Мәскеу халықаралық жоғары бизнес мектебін бітірген. Магистр дәрежесі бар.

Бұған дейін Қанат Алпысбаев  «Самұрық-Қазына»  қорының логистика және халықаралық ынтымақтастық жөніндегі басқарушы директоры болған, 2008-2018 жылдар аралығында  « Қазақстан темір жолы» ҰК АҚ-да түрлі лауазымдарда жұмыс істеген.

Айта кетейік, «Қазпошта» АҚ - Қазақстанның ұлттық пошта байланысының операторы.

Abai.kz