"Қазіргі кезде 131 адам зардап шекті, олардың 28-і ауруханада жатыр", - деді ол.

Беларусь астанасы Минск пен өзге қалаларда алтыншы рет жеңіске жеткен қазіргі президент Александр Лукашенкоға қарсы наразылық акциялары жалғасып жатыр. Наразылықтың алғашқы күндері демонстранттарға аяусыз күш көрсетіп, резіңке оқ пен көзден жас ағызатын газ қолданған.

6 мыңнан астам адам ұсталған. Оларды біртіндеп босатқан кезде, тергеу абақтысында жаппай азапталғаны белгілі болды. Құқық қорғаушылар 500 адамның денесі көгеріп, қанталап кеткенін мәлімдеді. Түрмеден шыққан адамдар аяусыз соққыға жығылғанын баяндады.

Президент көмекшісі Николай Латышонок "азаматтардың азапталуына байланысты милиция қызметкерлеріне қарсы неге қылмыстық іс қозғалмады" деген сұраққа "халықтың істеп жатқанының бәрі революциялық процесс, ал революциялық процестің бәрі жазаланады" деп жауап берген.

Белгілі болғандай, Минск мемлекеттік Белтелерадиокомпанияға Ресейден журналистер шақырылған. Олар наразылық білдірген беларусь журналистері мен техникалық қызметкерлердің орнын басқан. Мұны Лукашенконың өзі растады. Дереккөз мәліметінше, Минскіге RT (бұрынғы Russia Today) журналистері мен фрилансерлер барған. Бірақ RT бас редакторы Маргарита Симоньян Минскіде телеканал журналистері жоқ деп мәлімдеді.

Abai.kz