ҚР Білім және ғылым министрлігі Қазақстандағы мұғалімдердің орташа жалақысы қанша екенін айтыпты.

ҚР Стратегиялық жоспарлау және реформалар агенттігінің Ұлттық статистика бюросының деректеріне сәйкес, білім саласындағы қызметкерлердің 2020 жылдың II тоқсанындағы орташа айлық жалақысы 184,4 мың теңге болған. Ал былтыр бұл сома 126,1 мың теңгені құраған.

Министрліктің мәліметінше, Білім беру ұйымдары қызметкерлеріне жалақы төлеу келесі талаптар бойынша жүзеге асырылған. Олар:

білім деңгейі;

біліктілік деңгейі;

еңбек өтілі;

еңбек жағдайы;

орындалатын жұмыс көлемі;

өтемақы және ынталандыру түріндегі үстемеақылар мен қосымша ақының болуы (ғылыми-педагогикалық бағыт бойынша магистр дәрежесі бар болған жағдайда, сынып жетекшілігі үшін, дәптерлер мен жазба жұмыстарын тексергені үшін және т.б. қосымша ақы).

Abai.kz