Шағымдар мен бұзушылықтарсыз. ҰҚШҰ Парламенттік Ассамблеясы бақылаушыларының қорытынды мәлімдемесі. Сайлау қорытындысына арналған брифингте РФ Федералдық Жиналысы Федерация Кеңесінің Халықаралық істер жөніндегі комитеті төрағасының орынбасары Баир Жамсуев өз әріптестерінің пікірін жеткізді.

«Біздің делегация мүшелері учаскелік комиссияларға барған кезде сайлаушылардан ешқандай ескертулер мен шағымдар түскен жоқ. Бір күн бұрын біз барлық саяси партиялардың штаб өкілдерімен кездестік. Әңгіме барысында сайлау комиссияларының жұмысына, сайлау науқанының жұмысына мемлекеттік билік органдары тарапынан араласуға қатысты бірде-бір шағым айтылған жоқ.

Сондықтан жұмысымыздың қорытындысы бойынша қараған қорытынды мәлімдемемізде бірде-бір бұзушылықты немесе шағымды көрсеткен жоқпыз. Миссияда тек Ресей Федерациясының ғана емес, Армения, Тәжікстан, Беларусь, ҰҚШҰ Парламенттік ассамблеясына кіретін барлық мемлекеттердің өкілдері жұмыс істеді. Біздің миссиямыз сайлау халықаралық нормаларға және Қазақстанның сайлау туралы ұлттық заңнамасына қатаң сәйкестікте жоғары ұйымдастырушылық деңгейде өтті деп бағалайды», - деп түйіндеді миссия өкілі.

Abai.kz