Тасқыннан Жамбыл облысының "Бөлтірік шешен" ауылы да зардап шегуде. Еріген қар мен толассыз жауған жаңбыр суы 30 үйді басып қалған. 150 адам қауіпсіз аймаққа көшірілді. Олардың 73-і - балалар.

"Бөлтірік шешен" ауылы ойпат жерде орналасқандықтан, мұндай жағдай жылда қайталанады. Арнадан асқан өзен суына жауын-шашын қосылып, сайдағы елді-мекенге жайылып кеткен. Еріген қар суы түгелдей 3 көшені басып қалып, ондағы үйлер адам тұруға жарамасыз боп қалды. Баспанасыз қалғандардың біразы туған-туыстарын жағалап кетті. Үйлерін тастағысы келмегендер мектепті паналап отыр. Ауылдықтар бастапқыда өз күштерімен табиғат апатына төтеп беруге тырысқан. Жағдай ушыға түскенде, төтенше жағдайлар қызметінің мамандары жетіпті. Кешелі бері оқиға орнында 33 арнайы техника жұмыс істеуде.

Владимир Божко, ҚР төтенше жағдайлар министрі:

- Жамбыл облысында бір ауыл су астында қалған. Таудан келген тасқын су, 30 үйді шайып кетті. Бірақ қазір құтқару жұмыстары жүргізіліп жатыр. Жалпы, еліміздің оңтүстігіндегі жағдай қазір біздің жіті бақылауымызда.

kaz.gazeta.kz

Тасқыннан Жамбыл облысының "Бөлтірік шешен" ауылы да зардап шегуде. Еріген қар мен толассыз жауған жаңбыр суы 30 үйді басып қалған. 150 адам қауіпсіз аймаққа көшірілді. Олардың 73-і - балалар.

"Бөлтірік шешен" ауылы ойпат жерде орналасқандықтан, мұндай жағдай жылда қайталанады. Арнадан асқан өзен суына жауын-шашын қосылып, сайдағы елді-мекенге жайылып кеткен. Еріген қар суы түгелдей 3 көшені басып қалып, ондағы үйлер адам тұруға жарамасыз боп қалды. Баспанасыз қалғандардың біразы туған-туыстарын жағалап кетті. Үйлерін тастағысы келмегендер мектепті паналап отыр. Ауылдықтар бастапқыда өз күштерімен табиғат апатына төтеп беруге тырысқан. Жағдай ушыға түскенде, төтенше жағдайлар қызметінің мамандары жетіпті. Кешелі бері оқиға орнында 33 арнайы техника жұмыс істеуде.

Владимир Божко, ҚР төтенше жағдайлар министрі:

- Жамбыл облысында бір ауыл су астында қалған. Таудан келген тасқын су, 30 үйді шайып кетті. Бірақ қазір құтқару жұмыстары жүргізіліп жатыр. Жалпы, еліміздің оңтүстігіндегі жағдай қазір біздің жіті бақылауымызда.

kaz.gazeta.kz