Қаржы мониторингі агенттігі «Tengri Bank» АҚ-ның бұрынғы басқарма төрағасы Ержан Шайкенов ұсталғанын растады.

«2021 жылдың жылдың 16 ақпанында Қаржы мониторингі агенттігі қызметкерлері Қылмыстық іс жүргізу кодексінің 128-бабына сәйкес «Tengri Bank» АҚ-ның бұрынғы төрағасы Е.Б. Шайкеновты ұстады. Тергеу мүдделеріне қатысты өзге де мәліметтер жария етілмейді», – делінген хабарламада.

Желіде тараған ақпараттарға сүйенсек, Ержан Шайкенов банк салымшыларының жалпы сомасы 5 млрд теңге ақшасын жымқыру фактісіне қатысы болуы мүмкін.

Еске сала кетсек, 2020 жылдың 18 қыркүйегінде Қаржы нарығын реттеу және дамыту агенттігі «Tengri Bank» АҚ-ны банктік операцияларды жүргізуге арналған лицензиядан айыру туралы шешім қабылдаған.

Abai.kz