«Астана Моторс» құрамына кіретін «Haval Motor Kazakhstanның» ресми дистрибьюторы алдағы 7 жылда Қазақстанда көлік шығаруды жоспарлап отыр. 

Қытайдың «Great Wall Motor» концернына жататын «Haval» брендін сату бойынша ресми орындар Алматы, Нұр-Сұлтан және Қарағанды қалаларында ашылды.

Жақында тағы  11 қалада ашылмақ. Қазақстандық нарықта «Haval F7» кроссовері, «Haval F7x»  және «Haval H9» жол талғамайтын көлігі сатылмақ. Барлық үш модельді де Ресейдің Тула облысындағы зауыт шығарады.

«Haval» сатылымы бойынша Қытайда көш бастап тұрған көліктердің бірі. Ал көршілес Ресейде Қытайлық көліктердің сатылымы бір жылдың ішінде 41 пайызға артқан. «Haval Motor Kazakhstan» компаниясының директоры Ақылбек Анарбаевтың сөзінше, аталмыш көлік бағасының тиімділігі, жайлылық пен сапасына байланысты нарықты тез жаулап алады.

Abai.kz