«Рухани мұра - оқырман олжасы»

«Алтай-Ертіс кітапханасы» кітап сериясының тұсаукесері

Еліміздің рухани мұра қазынасы «Алтай - Ертіс кітапханасы» жаңа кітап сериясымен толықты. Шығысқазақстандықтардың 20 томдық кітабы - бұл серияның алғашқы басылымдары. Оның тұсаукесері 17-сәуір күні сағ. 15.00-де Астанадағы ҚР Ұлттық академиялық кітапханасында өтеді.

«Алтай-Ертіс кітапханасы» - елдегі әдебиет саласының алғашқы көлемді өңірлік жобасы. Оның негізін салған Шығыс Қазақстан облысының әкімі Бердібек Мәшбекұлы Сапарбаев. Топтаманың алғы сөзін Бердібек Мәшбекұлы «Рухани мұра - оқырман олжасы» деп атаған. Бұл сөздер «Алтай - Ертіс кітапханасы» жобасының мақсатын айқындай түседі, яғни, шығысқазақстандық ғылым, білім, мәдениет қайраткерлерінің рухани мұрасын өскелең ұрпаққа табыс ету.

«Рухани мұра - оқырман олжасы»

«Алтай-Ертіс кітапханасы» кітап сериясының тұсаукесері

Еліміздің рухани мұра қазынасы «Алтай - Ертіс кітапханасы» жаңа кітап сериясымен толықты. Шығысқазақстандықтардың 20 томдық кітабы - бұл серияның алғашқы басылымдары. Оның тұсаукесері 17-сәуір күні сағ. 15.00-де Астанадағы ҚР Ұлттық академиялық кітапханасында өтеді.

«Алтай-Ертіс кітапханасы» - елдегі әдебиет саласының алғашқы көлемді өңірлік жобасы. Оның негізін салған Шығыс Қазақстан облысының әкімі Бердібек Мәшбекұлы Сапарбаев. Топтаманың алғы сөзін Бердібек Мәшбекұлы «Рухани мұра - оқырман олжасы» деп атаған. Бұл сөздер «Алтай - Ертіс кітапханасы» жобасының мақсатын айқындай түседі, яғни, шығысқазақстандық ғылым, білім, мәдениет қайраткерлерінің рухани мұрасын өскелең ұрпаққа табыс ету.

20 том, 20 жазушы есімі - тек жерлестердің ғана емес, бүкіл қазақ халқының мақтанышы. Топтама қазақ әдебиетінің кемеңгері, ұлы Абай Құнанбаевтың шығармалар жинағымен бастау алған. Сондай-ақ, «Алтай-Ертіс кітапханасының» бірінші топтамасына Ш.Әбенов, С.Қасқабасов, Қ.Ысқақов, Қ.Жұмаділов, Н.Айтұлы, Ш.Бейсенова, К.Юсупов, Ә.Асқаров, Т.Жұртбай, С.Оразалы т.б. сынды қаламгерлер шығармалары енген. Аталған серия «Мәдени мұра» мемлекеттік бағдарламасы аясында Шығыс Қазақстан облысы әкімдігінің қолдауымен атқарылған игілікті іс және Тәуелсіздіктің 20 жылдығы құрметіне тарту болды. Жаңа авторлардан тұратын кезекті топтаманы жарыққа әкелу - «Алтай-Ертіс кітапханасы» ұйымдастырушыларының алдағы жоспарында.

Ал әзірге ...

Қара көк түсте алтын жазу... аспан мен судың түсі, өмір мен жігердің түсі. Ол әркімді терең ой мен ақиқатқа жетелейді. Алтын жазулар - даналық нұры іспеттес... Келіңіздер, құнды қазыналар өзінің білімқұмар оқырмандарын асыға күтуде.

Шығыс Қазақстан облысы

мәдениет басқармасының

баспасөз-қызметі

8/7232/-26-30-63