28 сәуір күні Қырғызстан мен Тәжікстан шекарасында қақтығыс болды. Қақтығысқа екі ел азаматтары қатысқан.  Қос тараптан 100-150 адам жиналып, бір-біріне тас лақтырған.  

Қақтығыс Тәжікстанның бейнебақылау камерасын су қоймасының маңына орнатуынан туындаған. Тәжік тарапы камераны суды әділетті бөлу процесін бақылау мақсатында орнатқан. Дәл сондай бақылау камерасын Қырғызстан бұдан бірнеше ай бұрын орнатқан еді.

Қақтығыста екі тараптан да жарақат алғандар бар. Тәжікстан тарапынан 15 тұрғын, Қырғызстан тарапынан 2 тұрғын тас тиіп, жараланған. Қазіргі уақытта тараптар келіссөз жүргізіп жатыр.

Abai.kz