Жұма, 29 Наурыз 2024
3141 1 пікір 7 Мамыр, 2021 сағат 11:56

Бас санитар дәрігердің жаңа қаулысы шықты

Қазақстанның бас санитар дәрігері Ерлан Қиясов коронавирус инфекциясының таралуын алдын алу мақсатында жаңа қаулы жариялады.

Қаулыға сәйкес базарларға бірқатар талап қойылды:

  • Сауда объектісінің аумағына маскасыз кіргізілмейді;
  • Объекті әкімшілігі мен жауапты адамдар келушілер мен қызметкерлердің міндетті түрде маска киуін, сондай-ақ әлеуметтік қашықтықты сақтауын қадағалайды;
  • бутиктердің алдында адамдар көп жиналмас үшін қоршаулар мен тосқауыл таспалар, еден таңбалар, сондай-ақ ирек белгі қойылады;
  • Сауда объектісінің әкімшілігі сатушылар арасында кемінде 2 метр әлеуметтік қашықтықты сақтайды;
  • Тауар сататын адамдар сауда аймақтарында (бутиктерде) 1 адамға сауда алаңының 4 шаршы метрі есебінен әлеуметтік қашықтықтың сақталуын қамтамасыз етеді;
  • Санитарлық шараларды сақтау қажеттілігі туралы радиотрансляция кемінде 60 минутта 1 рет жүзеге асырылады.

Сауда объектісінің меншік иесі мыналарды қамтамасыз етуге тиіс:

  • меншік иесі санитарлық-эпидемиологиялық талаптардың сақталуын, температураны өлшеу, персоналға нұсқау беру, жеке қорғаныш құралдарын уақытылы ауыстыру, дезинфекциялау, антисептикалық құралдардың болуын қадағалайды;
  • сауда бутиктеріне және кіреберістерде дезинфекциялау жұмыстарын жүргізуге тиіс;
  • халыққа қызмет маскамен көрсетіледі.

Сауда-ойын кешендеріне және фуд-корттардың қызметіне қойылатын талаптар:

  • Кіреберістегі адамдардың және мекемедегі қызметкерледің дене температурасы тексеріп кіргізіледі;
  • Сауда объектісінің күзет қызметі келушілердің, қызметкерлердің міндетті түрде маска киуін, сондай-ақ әлеуметтік қашықтықты сақтауын бақылайды;
  • Фуд-корттардың толтырылуы әлеуметтік қашықтықты сақталған кезде 1 келушіге 4 ш.м. есебімен қамтамасыз етіледі;
  • адамдар көп жиналатын мәдени-бұқаралық, салтанатты, отбасылық, естелік, ұжымдық іс-шаралар, конференциялар, семинарлар және т.б. өткізуге тыйым салынады;
  • 5 жасқа дейінгі балаларды қоспағанда, фудкорт аумағына маскасыз кіруге тыйым салынады;
  • Келушілер шотты төлеу кезінде байланыссыз аударымдар мен төлемдерді жүзеге асыруы үшін тиісті жағдай қамтамасыз етіледі.

Театрларға, концерттік ұйымдарға қойылатын талаптар:

  • Ашылу алдында объектіде дезинфекциялау құралдарын қолдана отырып, толық тазалау жұмысы жүргізіледі;
  • Дайындық кезінде адамдардың саны кемінде 2 метр әлеуметтік қашықтықты сақтау мүмкіндігі есебінен залдар бойынша бөлінеді;
  • Объектінің аумағына маскасыз кіруге жол берілмейді;
  • Кіру билеттерін онлайн режимде ала алады;
  • Әлеуметтік қашықтықты қамтамасыз ету үшін касса жанындағы аймақтарда және кезектер пайда болатын басқа да орындарда еденге белгілер орнатылады;
  • Мәдени объектілерге келушілерге бөтелкедегі су мен сусындарды қоспағанда, тамақ өнімдерін сатуға жол берілмейді;
  • Көрермен залының сыйымдылығы 100 отырғызу орнына дейін болатын театрларда 25 көрерменнен асырмай толтыруға жол беріледі;
  • Кіреберісте, холлдарда, фойеде, дәліздерде, лифттерге кіреберісте, санитариялық тораптарда тері антисептигі бар санитайзерлер орнатылады.

Abai.kz

1 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1578
Алашорда

Қожанов межелеу науқанында (Жалғасы)

Бейбіт Қойшыбаев 2275
Ғибырат

Қайсар рухты ғазиз жан

Мұхтар Құл-Мұхаммед 3591