بەيسەنبى, 24 ماۋسىم 2021
1644 1 پىكىر 7 مامىر, 2021 ساعات 11:56

باس سانيتار دارىگەردىڭ جاڭا قاۋلىسى شىقتى

قازاقستاننىڭ باس سانيتار دارىگەرى ەرلان قياسوۆ كوروناۆيرۋس ينفەكتسياسىنىڭ تارالۋىن الدىن الۋ ماقساتىندا جاڭا قاۋلى جاريالادى.

قاۋلىعا سايكەس بازارلارعا بىرقاتار تالاپ قويىلدى:

  • ساۋدا وبەكتىسىنىڭ اۋماعىنا ماسكاسىز كىرگىزىلمەيدى;
  • وبەكتى اكىمشىلىگى مەن جاۋاپتى ادامدار كەلۋشىلەر مەن قىزمەتكەرلەردىڭ مىندەتتى تۇردە ماسكا كيۋىن، سونداي-اق الەۋمەتتىك قاشىقتىقتى ساقتاۋىن قاداعالايدى;
  • بۋتيكتەردىڭ الدىندا ادامدار كوپ جينالماس ءۇشىن قورشاۋلار مەن توسقاۋىل تاسپالار، ەدەن تاڭبالار، سونداي-اق يرەك بەلگى قويىلادى;
  • ساۋدا وبەكتىسىنىڭ اكىمشىلىگى ساتۋشىلار اراسىندا كەمىندە 2 مەتر الەۋمەتتىك قاشىقتىقتى ساقتايدى;
  • تاۋار ساتاتىن ادامدار ساۋدا ايماقتارىندا (بۋتيكتەردە) 1 ادامعا ساۋدا الاڭىنىڭ 4 شارشى مەترى ەسەبىنەن الەۋمەتتىك قاشىقتىقتىڭ ساقتالۋىن قامتاماسىز ەتەدى;
  • سانيتارلىق شارالاردى ساقتاۋ قاجەتتىلىگى تۋرالى راديوترانسلياتسيا كەمىندە 60 مينۋتتا 1 رەت جۇزەگە اسىرىلادى.

ساۋدا وبەكتىسىنىڭ مەنشىك يەسى مىنالاردى قامتاماسىز ەتۋگە ءتيىس:

  • مەنشىك يەسى سانيتارلىق-ەپيدەميولوگيالىق تالاپتاردىڭ ساقتالۋىن، تەمپەراتۋرانى ولشەۋ، پەرسونالعا نۇسقاۋ بەرۋ، جەكە قورعانىش قۇرالدارىن ۋاقىتىلى اۋىستىرۋ، دەزينفەكتسيالاۋ، انتيسەپتيكالىق قۇرالداردىڭ بولۋىن قاداعالايدى;
  • ساۋدا بۋتيكتەرىنە جانە كىرەبەرىستەردە دەزينفەكتسيالاۋ جۇمىستارىن جۇرگىزۋگە ءتيىس;
  • حالىققا قىزمەت ماسكامەن كورسەتىلەدى.

ساۋدا-ويىن كەشەندەرىنە جانە فۋد-كورتتاردىڭ قىزمەتىنە قويىلاتىن تالاپتار:

  • كىرەبەرىستەگى ادامداردىڭ جانە مەكەمەدەگى قىزمەتكەرلەدىڭ دەنە تەمپەراتۋراسى تەكسەرىپ كىرگىزىلەدى;
  • ساۋدا وبەكتىسىنىڭ كۇزەت قىزمەتى كەلۋشىلەردىڭ، قىزمەتكەرلەردىڭ مىندەتتى تۇردە ماسكا كيۋىن، سونداي-اق الەۋمەتتىك قاشىقتىقتى ساقتاۋىن باقىلايدى;
  • فۋد-كورتتاردىڭ تولتىرىلۋى الەۋمەتتىك قاشىقتىقتى ساقتالعان كەزدە 1 كەلۋشىگە 4 ش.م. ەسەبىمەن قامتاماسىز ەتىلەدى;
  • ادامدار كوپ جينالاتىن مادەني-بۇقارالىق، سالتاناتتى، وتباسىلىق، ەستەلىك، ۇجىمدىق ءىس-شارالار، كونفەرەنتسيالار، سەمينارلار جانە ت.ب. وتكىزۋگە تىيىم سالىنادى;
  • 5 جاسقا دەيىنگى بالالاردى قوسپاعاندا، فۋدكورت اۋماعىنا ماسكاسىز كىرۋگە تىيىم سالىنادى;
  • كەلۋشىلەر شوتتى تولەۋ كەزىندە بايلانىسسىز اۋدارىمدار مەن تولەمدەردى جۇزەگە اسىرۋى ءۇشىن ءتيىستى جاعداي قامتاماسىز ەتىلەدى.

تەاترلارعا، كونتسەرتتىك ۇيىمدارعا قويىلاتىن تالاپتار:

  • اشىلۋ الدىندا وبەكتىدە دەزينفەكتسيالاۋ قۇرالدارىن قولدانا وتىرىپ، تولىق تازالاۋ جۇمىسى جۇرگىزىلەدى;
  • دايىندىق كەزىندە ادامداردىڭ سانى كەمىندە 2 مەتر الەۋمەتتىك قاشىقتىقتى ساقتاۋ مۇمكىندىگى ەسەبىنەن زالدار بويىنشا بولىنەدى;
  • وبەكتىنىڭ اۋماعىنا ماسكاسىز كىرۋگە جول بەرىلمەيدى;
  • كىرۋ بيلەتتەرىن ونلاين رەجيمدە الا الادى;
  • الەۋمەتتىك قاشىقتىقتى قامتاماسىز ەتۋ ءۇشىن كاسسا جانىنداعى ايماقتاردا جانە كەزەكتەر پايدا بولاتىن باسقا دا ورىنداردا ەدەنگە بەلگىلەر ورناتىلادى;
  • مادەني وبەكتىلەرگە كەلۋشىلەرگە بوتەلكەدەگى سۋ مەن سۋسىنداردى قوسپاعاندا، تاماق ونىمدەرىن ساتۋعا جول بەرىلمەيدى;
  • كورەرمەن زالىنىڭ سىيىمدىلىعى 100 وتىرعىزۋ ورنىنا دەيىن بولاتىن تەاترلاردا 25 كورەرمەننەن اسىرماي تولتىرۋعا جول بەرىلەدى;
  • كىرەبەرىستە، حوللداردا، فويەدە، دالىزدەردە، ليفتتەرگە كىرەبەرىستە، سانيتاريالىق توراپتاردا تەرى انتيسەپتيگى بار سانيتايزەرلەر ورناتىلادى.

Abai.kz

1 پىكىر