Қытай адамның моралына зиян келтіретін және кері әсер ететін композицияларға тыйым салуды ойластыруда. 

CNN телеарнасының хабарлауынша, елдің Мәдениет және туризм министрлігі әзірге уақытша ережелерді бекітті. Олар «зиянды» караоке әндері ұлттық бірлікке нұқсан келтіреді, ұлтаралық қақтығыстарға себеп болады, тіпті елдің діни саясатын бұзады дейді.

"Біз негізгі социалистік құндылықтарды насихаттаймыз және ұлттық, мәдени идеологиялық қауіпсіздікті қолдаймыз", - деп хабарлады департамент.

Караоке мекемелеріне контент ұсынған адам әндерді бақылауға жауапты болады. Қытайда 50 мыңнан астам «ән мен билерге арналған ойын -сауық мекемелері» бар, ал әндер каталогы 100 мыңнан асады.

Abai.kz