Сенбі, 23 Қазан 2021
728 0 пікір 20 Қыркүйек, 2021 сағат 15:01

Пермьде атыс болып, бірнеше адам оққа ұшты

Дүйсенбі күні таңертең белгісіз біреу Пермь мемлекеттік университетінде адамдарға оқ атты. Жергілікті ақпарат құралдарының хабарлауынша, бірнеше адам қаза тапты.

Телеграм-арналарда адамдардың ғимарат терезелерінен секіріп жатқаны бейнеленген видеолар тарады.

Университеттің әлеуметтік желілердегі парақшаларында ғимаратта қалған адамдарға жабық бөлмелерге тығылу керектігі туралы үндеулер жарияланды.

Кейін РБК дереккөзі атқыш ұсталғанын хабарлады. Мәліметті университеттің баспасөз қызметі растады. 112 телеграм-арнасы шабуыл жасаған адамды өлтіргенін хабарлады.

59.ru басылымы ВКонтакте желісінде шабуыл жасаған адамның жазбасын тапқан. 18 жастағы жігіт шабуылға ұзақ дайындалғанын айтқан.

"Дождь" телеарнасының хабарлауынша, Пермь университетіндегі шабуылдан 19 адам зардап шегіп, сегіз адам қаза тапқан.

Abai.kz

0 пікір