Қостанай облысындағы Денисов ауданының бас мемлекеттік ветеринариялық-санитариялық инспекторының ұсынысы негізінде сібір жарасының пайда болуына байланысты ауданда карантин жарияланды. 

«Қостанай облысы Денисов ауданы Архангельск ауылдық округі Жалтыркөл ауылындағы «Баталинское» жауапкершілігі шектеулі серіктестігінің аумағындағы ірі қара малда сібір жарасы таралуына байланысты карантин енгізілсін», - делінген қаулыда.

Бұл өңірде сібір жарасының алғашқы жағдайы емес. 13 шілдеде аурудың өршуіне байланысты Свердлов ауылдық округіне қарасты Приречное ауылының аумағында да шектеу шаралары енгізілді.

Abai.kz