Атырау облысының әкімі Махамбет Досмұхамбетов  орынбасары Бақытгүл Хаменованың кінәсі дәлелденсе, отставкаға кетуге дайын екенін мәлімдеді. 

Өңір басшысы орынбасары Бақытгүл Хаменованың ұсталғаны туралы ақпаратқа қатысты пікір білдірді. Бұл туралы Атырау облысы әкімдігінің баспасөз қызметі айтты.

"Махамбет Досмұхамбетов бұған дейін де заңға сәйкес сыбайлас жемқорлыққа қатысы бар деп күдікке ілінген орынбасарларының бірі сот үкімі бойынша кінәлі деп танылса, қызметінен кетуге дайын екенін мәлімдеген", - дейді әкімдік өкілдері.

Өткен аптада Атырау облысы әкімінің орынбасары Бақытгүл Хаменова мен облыстық Мәдениет басқармасының басшысы Ақылбек Рысқалиев пара алды деген күдікпен ұсталған болатын.

Abai.kz