Ақорда сайтында хабарланғандай, жағдайдың шиеленісуіне байланысты қоғамдық қауіпсіздікті қамтамасыз ету, заңдылық пен құқықтық тәртіпті қалпына келтіру, азаматтардың құқықтары мен бостандықтарын қорғау мақсатында Мемлекет басшысы Қасым-Жомарт Тоқаев Маңғыстау облысында және Алматы қаласында 2022 жылғы 19 қаңтарға дейін төтенше жағдай жариялады.

2 қаңтарда Жаңаөзен тұрғындары сұйытылған газ бағасын түсіруді талап етіп көшеге шыққан болатын. Наразылықтар еліміздің көптеген аймақтарында жалғасты. Қазақстан президенті Қасым-Жомарт Тоқаев жағдайға үн қосып, үкіметке Жаңаөзендегі жағдайды экономикалық негізділігін құқықтық салада ескере отырып, жедел түрде қарауды тапсырған еді.

4 қаңтарда «Қазмұнайгаз» АҚ әлеуметтік жауапкершілігі аясында Маңғыстау облысында газдың литріне 50 теңгеден баға белгілеу туралы шешім қабылданғаны белгілі болды.

5 қаңтарда Қазақстан президенті Қасым-Жомарт Тоқаев үкімет мүшелерімен, президент әкімшілігінің қызметкерлерімен және басқа да мүдделі органдардың өкілдерімен елдің әлеуметтік-экономикалық жағдайы туралы жұмыс кеңесін өткізеді

Abai.kz.