Жеңілдетілген автонесие зейнеткерлерге берілмейді. Бұл туралы «Центр Кредит» банкінің өкілі Гүлжаһан Хамитова хабарлады.

«Зейнет жасының аясында белгілі бір кезең бар және кредиттеу несие беру зейнет жасына дейін ғана көзделеді», - деді ол.

Бұған дейін, Үкімет 4%-дық жеңілдетілген автонесие беру бағдарламасын бекітті. Автонесие сомасы 15 миллион теңгеден аспау керек. Бастапқы жарнасы 0%, қаржыландыру мерзімі 7 жылдан аспайды. Сонымен қатар,  автонесие бір адамға 2 жылда 1 рет қана беріледі.

16 мамырда жеңілдетілген автонесиеге өтінімдер қабылдау басталды. Бағдарламаға екінші деңгейлі 4 банк қатысып жатыр: «Халық банк», «БанкЦентрКредит», «Форте банк» және «Еуразиялық банк». Бағдарламаға мемлекеттен 100 миллиард теңге жұмсау жоспарланған.

Abai.kz