Ағылшын тілі Украинада айрықша мәртебеге ие болуы мүмкін. Бұл туралы «Украинская правда» хабарлады.

Украина премьер-министрі Денис Шмигаль Telegram-арнасында ағылшын тілінің статусы туралы мәселе Үкіметтің отырысында қаралғанын жазды.

- Қазіргі кезде Министрлер кабинеті осы бастамаға сәйкес тиісті заңнаманы дайындап жатыр. Бүгінде ағылшын тілі бүкіл өркениет әлемінің іскерлік қарым-қатынас тілі ретінде қолданылып келеді. Сондықтан оған осындай статус беру Украинадағы бизнестің дамуына, елге инвестиция тарту мен интеграциясының күшеюіне серпін береді, - деді ол.

Осыған байланысты Үкімет салалық министрліктерге ұсыныстар беріп, тиісті құжаттарды дайындауды тапсырды.

Abai.kz