Сәрсенбі, 17 Тамыз 2022
Көршінің көлеңкесі 3448 26 пікір 6 Шілде, 2022 сағат 14:49

Құбыр: Ресейдің кезекті бопсасы ма?

Ресейдің көршілеріне саяси бопсасы мен қысымы тоқтар емес. Керісінше "не бізбенсің, не бізге қарсысың" позициясы күшейе түсті. Бейтараптық Мәскеудің пікірінше енді қарама-қайшылық не қарсыласты жақтау болып саналмақ. 

Бүгін Ресей Каспий құбыр консорциум жұмысын сот шешімі бойынша 30 күнге тоқтатуға шешім қабылдады. Новороссийск аудандық соты теңіз терминалынан  Ространснадзор тапқан кемшіліктерді түзеуге осынша уақыт кетеді дейді. Тексеріс мұнайды жеткізу барысында теңізге қалдықтардың төгілуіне байланысты іске асқан деген ақпарат бар.

Каспий консорциумы Қазақстан үшін мұнай экспорттаудың басты маршруты саналады. Еліміздің мұнайының 80% осы бағыт арқылы жөнелтіледі. Бұл құбыр жылына  67 млн тонна мұнай жеткізуге қабілетті. Құбыр жұмысының тіпті бір күндік жұмысының өзі Қазақстан экономикасына орасан соққы деген сөз.

Бұл Каспий консорциумы құбыр жолының жұмысына байланысты шығып тұрған алғашқы шикілік емес. Наурыз айында дәл осы құбыр жолында мұнай тасымалдау жұмыстарына тоқтатылды. Басты себеп ретінде теңіздегі дауыл әсерінен құбырға зақым келгені айтылды. Ондаған жылдар бойы дауыл мен боранға төтеп берген мұнай құбыры, Украина мен Ресей арасындағы соғыс басталған сәтте, істен шығуы да күтікді.

Араға айлар салып құбыр жұмысы тағы да біршама уақытқа тоқтады. Оған теңізде екінші жаһан соғысынан қалған теңіз миналарының су бетіне қалқып шығуы себепкер болды. Неткен сәйкестік?...

Міне, енді үшінші мәрте құбыр жұмысы тоқтатылмақ. Бақандай бір айға. Бұл әрине 30 күнмен шектелмеуі де мүмкін. Ресей дәл осындай "себептермен" құбыр жұмысын тоқтатуды жиілетіп, саяси қысымды да арттырған сыңайлы. "Ресей Орталық Азиядағы өз ықпалының төмендеуінен сескенеді, сондықтан да түрлі қысым жасау рычагтарының бар екенін ОА елдерінің есіне оқтын-оқтын салуда" дейді сарапшылар.

Abai.kz

26 пікір

Үздік материалдар

Алашорда

Алаш-арман

Бейбіт Қойшыбаев  2588
Білгенге маржан

Хилда Хукхэм және Ұлы қолбасшылар

Бейсенғазы Ұлықбек 2103
Әдебиет

Түс

Ерғали Бақаш 1777
Әне, көрдің бе?

Архимед кімді қорғаштайды?

Жайберген Болатов 2868