ДАИШ (ИГИЛ) ресурстары Кабулдағы Ресей елшілігінің жанында теракт жасаған жанкештінің суретін жариялады. Осылайша екі ресейлік дипломаттың қазасына себеп болған жарылысты өз мойындарына алды. 

Ұйым мәлімдемесінде лаңкес елшілік маңында "ресейлік қызметкерлер қатысқан жиында жанкешті белбеуін жарып жіберген" делінген.

Қыркүйектің 5-і күні Кабулдағы Ресей елшілігінің консулдық бөліміне кіре беріске жақын жерде лаңкес жарылғыш затты іске қосқан. Салдарынан алты адам, оның ішінде екі ресейлік дипломат пен төрт тәліб қаза тауып, он адам жараланған. Талибан қауіпсіздік күштері елшіліктің қауіпсіздігін қамтамасыз ету үшін бұдан да маңызды шаралар қабылдауға уәде берді.

Кремль Кабулдағы елшілік қызметкерлерінің өлімін теракт деп бағалады.

Abai.kz