АҚШ президенті Джо Байден Ресей президенті Владимир Путинді Украинаға қарсы химиялық немесе тактикалық ядролық қаруды қолдану ойынан бас тартуға шақырды.

АҚШ президенті CBS арнасына берген сұхбатында, егер Ресей Украинаға химиялық немесе тактикалық ядролық қару қолданса, Ресейдің қазіргіден де қатты қудалауға ұшырайтынын айтқан.

Ал Владимир Путиннің баспасөз хатшысы Дмитрий Песков «Мәскеудің Украинаға қарсы ядролық қару қолдануы мүмкін бе?» деген сұраққа, «Докринада бәрі жазылған»,- деп жауап берген.

Доктринада Ресейге немесе оның одақтастарына ядролық қарумен шабуыл жасалса ғана, Ресейдің ядролық қаруды қолдана алатыны туралы жазылған.

Abai.kz