Абу-Даби, Дубай, Маскатта сайлау учаскелері ашылды
Таяу Шығыстағы қазақстандықтар Абу-Даби, Дубай, Маскатта құрылған сайлау учаскелерінде дауыс бере бастады. Бұл туралы ҚР Сыртқы істер министрлігінің баспасөз қызметі хабарлады.
Баспасөз қызметінің мәліметтеріне қарағанда, Ереван, Баку, Астрахан және Тбилисиде де дауыс беруге арналған учаскелер жұмыс істей бастады.
Бүгін Қазақстанда кезектен тыс президент сайлауына дауыс беру өтіп жатыр. Алғашқылардың бірі болып Жапония мен Оңтүстік Кореядағы сайлау учаскелері жұмысын бастады.
Сағат таңғы 7:00-де еліміздің 15 өңірінде дауыс беру басталды.
Abai.kz
