Ерұлан Жамаубаев: "Президентті ұлықтау рәсіміне бюджеттен қаржы бөлінбейді"
Қаржы министрі Ерұлан Жамаубаев президентті ұлықтау рәсіміне бюджеттен қаржы бөлінбейтінін айтты.
«Президенттің ұлықтауына біз бюджеттен қосымша қаражат бөлген жоқпыз. Өздеріңіз білетіндей, ол президенттің ресми түрде Конституциялық заң бойынша президент лауазымына өтуіне байланысты ант беруі. Оған біздің тарапымыздан көп қаражат бөлінбейді», - деді Жамаубаев.
Еске сала кетейік, 20-шы қарашада өткен сайлау нәтижесі бойынша Қасым-Жомарт Тоқаев 81,31 пайыз дауыс жинап, екінші рет жеті жыл мерзімге мемлекет басшысы болып сайланды.
Abai.kz
