Сауда және интеграция министрі Серік Жұманғарин келесі жылы елімізде қант тапшылығы болмайтынын айтты.

«Бізде инфляция 18,8 пайызға жетті. Неліктен? Себебі, оған қант бағасының  75 пайызға өсуі әсер етті. Оған себеп: Ресейдің экспортты жауып тастауы. Мұндай жағдай қайталанбау үшін әр өңірді жеке қант зауыттары қамтамасыз етеді. Әр аймақ өзін тойдыру үшін айналым қаражатын беруі керек»,-дейді министр.

Ол биыл қант тапшылығы мүлде болмайды деп сендірді.

«Әрине, бізде қант қызылшасы жеткіліксіз, сондықтан қант құрағынан өндіреміз. Біқ жақсысы – өзіміздің қантымыз. Енді қант тапшылығы болмайды. Қанттың килограмы – 450 теңгеден аспайтын болады. Біз зауыттармен келістік»,-деді Серік Жұманғарин.

Abai.kz