Жексенбі, 4 Желтоқсан 2022
Жанайқай 1360 17 пікір 23 Қараша, 2022 сағат 18:04

Қазақты тілдеу трендке айналды. Тараз неге көтерілді?

Таразда «Қазфосфат» қызметкерлері наразылыққа шықты. Олардың айтуынша, мекеме басшысы Олег Куликов жұмысшыларды «бараны» деп балағаттаған.

Зауыт аумағында 200-ден астам адам жиналып, Ресей азаматы Куликовты «көпшілік алдында кешірім сұрасын, жұмыстан шықсын» деп талап етті.

Наразылық видеолары журналист Нұрадин Ракайдың әлеуметтік парақшасында жарияланған.

Жиналған жұмысшылар жалақы мөлшері мен зауыттың денсаулыққа келтіретін зияны үшін төлейтін төлем мөлшерін 30 пайызға көтеруді талап етті.

«Қарапайым қызметкерлердің жалақы мөлшері – 150-180 мың теңге аралығында, ал басшылық қызметтегілер 18-24 миллион теңге аралығында жалақы алады. Біз бұған қарсымыз»,-деді олар.

Оқиға орнына Тараздың әкімі Бақытжан Орынбеков келді. Ол жұмысшылардан барлық талап-шағымды хат түрінде әкімдікке жолдауды сұрады.

Кейін Жамбыл ауданы әкімдігі Куликовтың кешірім сұрағанын және қызметтен қуылғанын хабарлады.

««Қазфосфат» зауытында орын алған жұмысшылар наразылығына сәйкес Ресей азаматы жұмысшылардан кешірім сұрады және жұмыстан босатылды. Сондай-ақ жұмысшылардың талап-тілектері  мен ұсыныс-пікірлері бойынша жұмысшы топ құрылып, зерделеу жұмыстары ұйымдастырылуда. Ұлтаралық мәселе орын алмаған. Зауыт штаттық режимде жұмыс жүргізуде»,-деп жазды әкімдік хабарламасында.

Жамбыл облысының әкімдігі "Жамбыл облысы әкімінің бірінші орынбасары Нұржан Календеров, облыс әкімінің орынбасары Қанатбек Мәдібек, облыс прокурорының орынбасары Нұрбек Ұласбекұлы қызметкерлермен кездесіп, түсіндіру жұмыстарын жүргізгенін мәлімдеді.

 

Abai.kz

17 пікір

Үздік материалдар

Құйылсын көшің

Қандастар қазаққа, Қазақстанға не берді?

Райыс Әріпжанұлы 2215
Алашорда

Түркілік тек және түркі-моғол бірлігі

Жәди Шәкенұлы 1047
Қауіп еткеннен айтамын

Газдың геосаяси «геморройы»

Әміржан Қосан 1230