Клебанов Екібастұз ЖЭО-ны мемлекетке бір теңгеге сатпақ. Бұл туралы Бұл туралы Мәжіліс депутаты Ерлан Саиров айтты.

«Қазақстанның әр азаматы осындай мүлік үшін жауапты боулы керек. Егер Клебанов осы нысандарды мемлекетке қайтаратын болса, халыққа және мемлекетке келтірілген залалды өтеуі керек. Екі күн бұрын әкімдікте жиналыс болды, оған Клебанов та келді. Сол кезде осы жайында оған айттық. Оның айтуынша, аталған нысанды бір теңгеге мемлекетке сатпақ. Біз өз кезегімізде олай болмайтынын, яғни бірінші кезекте кәсіпорынды иелікке алған кезде оның жағдайы мен қазіргі ахуалын салыстырып, соның айырмашылығын анықтап алуды талап еттік. Осы орайда кәсіпкер бұл айырмашылықты төлеуі тиіс, сондай-ақ Екібастұздың тұрғындарына келген шығынды өтеп беруі керек», - деді Е. Саиров.

Бұдан бұрын 27 қарашада Екібастұз жылу электр орталығында апат болып, қала тұрғындары қақаған аязда жылусыз қалды.

Қалада төтенше жағдай жарияланды. Мемлекет басшысы Қасым-Жомарт Тоқаев премьер-министр Әлихан Смайловқа еліміздің қалаларындағы проблема жиі туындайтын энергетикалық активтерді мемлекет меншігіне қайтару мәселесін қарастыруды тапсырды.

Abai.kz