Бүгін таңертең Екібастұзда суықтан зардап шеккен барлық үйге жылу берілді. Бұл туралы Премьер-министрдің бірінші орынбасары Роман Скляр мәлімдеді.

"Энергия көзі штаттық режимде жұмыс істеп тұр. Екібастұз ЖЭО қаладағы жылумен қамтуды қалыпқа келтіру үшін барлық күшті жұмылдыруда. Өкінішке қарай, соңғы күндердегі оқиғалардың салдарынан болған гидравликалық режимнің теңгерімсіздігі, соның ішінде тұтынушылар мен ПИК-тердің жылу тасымалдағыштағы суды рұқсатсыз ағызуы бұл жұмысты қиындатты",-деді Скляр.

Ол тұрғындардың шыдамына алғыс білдіріп, алдағы 2-3 күнде жылу толық қалпына келетінін айтты.

Abai.kz