Мұхамедиұлын қамауда ұстау мерзімі тағы ұзартылды
Астана қаласының мамандандырылған ауданаралық тергеу соты Арыстанбек Мұхамедиұлын қамауда ұстау мерзімін 1 айға ұзартты.
Еске сала кетейік, экс-шенеунік биыл 28 мамыр күні сот санкциясымен қамауға алынған болатын.
Оған қатысты «Алтын адамның әлем музейлеріне шеруі» халықаралық көрмесін өткізу кезінде 146 млн теңге бюджет қаражатын жымқыру белгілері бойынша тергеу жүргізілуде.
Арыстанбек Мұхамедиұлы 2014-2019 жылдары мәдениет министрі болды. Кейінгі үш жылда Ұлттық музейге жетекшілік еткен.
Abai.kz
