Бір жылда инфляция 20,3%-ға жетті, деп мәлімдеді ҚР Ұлттық банк төрағасы Ғалымжан Пірматов бүгінгі Үкімет отырысында.

"2022 жылдың желтоқсан айында айлық инфляция 1,2%-ға дейін баяулағанына қарамастан, соңғы 5 жылдағы айлық орташа көрсеткіш 0,7%-дан айтарлықтай асып түсті. Жылдық мәнде инфляция 20,3%-ға жетті. Азық-түлік бағасының өсуі инфляцияға зор үлес қосып, жылдық көрсеткіш бойынша 25,3%-ға жетті. Жеміс-жидек пен көкөніс өнімдері қыс маусымына байланысты қымбаттады", – деді Ұлттық банк төрағасы.

Ал азық-түлікке жатпайтын инфляция 19,4%-ға дейін өсті. Импорттың жоғары үлесі бар тауарлардың, оның ішінде жеке пайдаланатын тауарлардың, тұрмыстық химия, құрылыс материалдары, дәрі-дәрмектің бағасы өскен.

Abai.kz