Халық депутаты бұл жөнінде 18 мамырда көтеріп, Ұлттық қауіпсіздік комитетіне шара қолдануды талап етті.

"Бұл нонсенс. Қырғыз азаматтығы еркін сатылып жатыр. Біздің арнайы қызмет қайда қарап отыр? Цифрлы дамыту министрлігі қайда қарап отыр? Біздің төлқұжт кез-келген жерде сатылып жатыр", - деді Кожокулова.

Ресейдің avito.ru сайтында қырғыз азаматтығын сатып алу құны 120 000 рубльден басталып, 270 000 рубльге дейін деп көрсетілген. Онда қырғыз тілін білу шарт емес және ресейлік төлқұжаттан да бас тарту міндетті емес деп жазылған. Жарнамада Қырғызстан азаматтығын алу арқылы банктерден есеп-шот ашуға және АҚШ пен Еуропаға виза алуға болады делінген.

Ресей Украинаға соғыс ашып, Батыс елдері санкция жариялағаннан кейін қырғыз азаматтығын алуға ұмтылған ресейліктер саны артқан. 2022 жылы қырғыз президентінің жарлығымен Ресейдің ондаған жоғары лауазымды шенеуніктері мен кәсіпкерлері азаматтық алған.