حالىق دەپۋتاتى بۇل جونىندە 18 مامىردا كوتەرىپ، ۇلتتىق قاۋىپسىزدىك كوميتەتىنە شارا قولدانۋدى تالاپ ەتتى.

"بۇل نونسەنس. قىرعىز ازاماتتىعى ەركىن ساتىلىپ جاتىر. ءبىزدىڭ ارنايى قىزمەت قايدا قاراپ وتىر؟ تسيفرلى دامىتۋ مينيسترلىگى قايدا قاراپ وتىر؟ ءبىزدىڭ تولقۇجت كەز-كەلگەن جەردە ساتىلىپ جاتىر", - دەدى كوجوكۋلوۆا.

رەسەيدىڭ avito.ru سايتىندا قىرعىز ازاماتتىعىن ساتىپ الۋ قۇنى 120 000 رۋبلدەن باستالىپ، 270 000 رۋبلگە دەيىن دەپ كورسەتىلگەن. وندا قىرعىز ءتىلىن ءبىلۋ شارت ەمەس جانە رەسەيلىك تولقۇجاتتان دا باس تارتۋ مىندەتتى ەمەس دەپ جازىلعان. جارنامادا قىرعىزستان ازاماتتىعىن الۋ ارقىلى بانكتەردەن ەسەپ-شوت اشۋعا جانە اقش پەن ەۋروپاعا ۆيزا الۋعا بولادى دەلىنگەن.

رەسەي ۋكرايناعا سوعىس اشىپ، باتىس ەلدەرى سانكتسيا جاريالاعاننان كەيىن قىرعىز ازاماتتىعىن الۋعا ۇمتىلعان رەسەيلىكتەر سانى ارتقان. 2022 جىلى قىرعىز پرەزيدەنتىنىڭ جارلىعىمەن رەسەيدىڭ ونداعان جوعارى لاۋازىمدى شەنەۋنىكتەرى مەن كاسىپكەرلەرى ازاماتتىق العان.