Ресей мемлекеттік думасының вице-спикері орыс тілі мемлекеттік мәртебеге ие емес елдерден келген еңбек мигранттарына курьер, сатушы және такси жүргізуші болып істеуге тыйым салуды ұсынды.

Петр Толстой парламент отырысында осылай деп мәлімдеді. Федерация кеңесі орыс тілін сақтау, қорғау және дамыту мәселелерін талқылаған.

Дума вице-спикерінің айтуынша, постсоветтік республикалар болашағы бар ағылшын тілін белсенді түрді үйреніп, сонымен бірге ана тілін дамытуға көңіл бөліп отыр. Толстойдың пікірінше, Ресей осындай әрекетке тосқауыл қоюы тиіс.

Постсоветтік елдер арасында Беларусьта ғана орыс тілі мемлекеттік мәртебеге ие. Қазақстан мен Қырғызстанда орыс тіліне ресми, ал Тәжікстанда ұлтаралық қатынас тілі мәртебесі берілген.

Abai.kz