رەسەي مەملەكەتتىك دۋماسىنىڭ ۆيتسە-سپيكەرى ورىس ءتىلى مەملەكەتتىك مارتەبەگە يە ەمەس ەلدەردەن كەلگەن ەڭبەك ميگرانتتارىنا كۋرەر، ساتۋشى جانە تاكسي جۇرگىزۋشى بولىپ ىستەۋگە تىيىم سالۋدى ۇسىندى.

پەتر تولستوي پارلامەنت وتىرىسىندا وسىلاي دەپ مالىمدەدى. فەدەراتسيا كەڭەسى ورىس ءتىلىن ساقتاۋ، قورعاۋ جانە دامىتۋ ماسەلەلەرىن تالقىلاعان.

دۋما ۆيتسە-سپيكەرىنىڭ ايتۋىنشا، پوستسوۆەتتىك رەسپۋبليكالار بولاشاعى بار اعىلشىن ءتىلىن بەلسەندى ءتۇردى ۇيرەنىپ، سونىمەن بىرگە انا ءتىلىن دامىتۋعا كوڭىل ءبولىپ وتىر. تولستويدىڭ پىكىرىنشە، رەسەي وسىنداي ارەكەتكە توسقاۋىل قويۋى ءتيىس.

پوستسوۆەتتىك ەلدەر اراسىندا بەلارۋستا عانا ورىس ءتىلى مەملەكەتتىك مارتەبەگە يە. قازاقستان مەن قىرعىزستاندا ورىس تىلىنە رەسمي، ال تاجىكستاندا ۇلتارالىق قاتىناس ءتىلى مارتەبەسى بەرىلگەن.

Abai.kz