Мемлекет және қоғам қайраткері, Нұрсұлтан Назарбаевтың бұрынғы кеңесшісі Ермұхамбет Ертісбаев өзінің YouTube-арнасында НАТО Ресейге соғыс ашуы мүмкін деп болжады.

«НАТО-ның қырғиқабақ соғыстан кейінгі ең ірі жаттығуы басталды. НАТО Ресейге шабуыл жасауы мүмкін. Алайда бұл ұйым мұны ашық айтпайды. Ең басты стратегиялық алянс құжатында Ресей НАТО-ға мүше елдерге тікелей қауіп төндіретін ел қатарына жатқызылған. Ал Германияның Қорғаныс министрі Борис Писториус өз сөзінде Ресей тарапынан болатын шабуылға дайын болу қажеттігін айтқан. НАТО Балтық жағалауы елдері, Польша, Батыс Балқан, Молдавия шекарасындағы ыстық нүктеде ірі оқу-жаттығу өткізейін деп жатыр. Бұл жай емес, 90 мың сарбаз, 31 мемлекет, 50 кеме, 80 жауынгерлік ұшақ,133 танк т.б. қатысатын оқу-жаттығу мамыр айына дейін созылады»,- дейді Е. Ертісбаев.

фото: knews.kg

Abai.kz