Кезекте тұрған 33 мың азаматтың 454-і тұрғын үйге мұқтаж адамдар санатына жатпайтыны анықталды, деп хабарлайды Abai.kz.

Тұрғын үй заңнамасының сақталуына тексеріс жүргізген Қарағанды облысы прокуратурасы 50 адамға ауданы заң талаптарына сәйкес келмейтін пәтерлердің берілгенін анықтаған.

Нәтижесінде аталмыш мәселені қатаң бақылауға алған. Көрсеткіш сын көтермеген. Кезекте тұрған 33 мың азаматтың 454-і аталған санатқа жатпайтыны және мемлекеттік қордан тұрғын үй алуға құқығы жоқ екені анықталды.

"Азаматтардың жалға берілген тұрғын үйге төлемдер бойынша қарызы – 20 млн теңге, ден қою актілері бойынша жергілікті атқарушы органдар сотқа талап-арыз берді. Шахтинск қаласында жекешелендіру түріндегі алаяқтық фактісі анықталды. Қылмыстық кодекстің 190-бабы бойынша сотқа дейінгі тергеу басталды", – деп жазылған хабарламада.

Abai.kz