АҚШ-тың оңтүстік шекарасында бақылау шараларын күшейту туралы ережелері жоқ Израиль мен Украинаға көмек көрсету туралы пакеттік заң жобасы АҚШ Конгресінің Сенатында кезекті рәсімдік дауыс беруден өтті.

$95 млрд-тан астам қосымша бюджеттік қаржы бөлуді қарастыратын бастаманы одан әрі қарау үшін сенаторлар $60,06 млрд-ты Украинаны қолдауға, $14,1 млрд-ты Израильге көмекке бағыттауды ұсынып отыр, кем дегенде 60 заң шығарушының қолдауы қажет болды.

Дауыс беру қорытындысына сәйкес, заң жобасын 67 сенатор қолдады, 27 заң шығарушы қарсылық білдірді. Конгрестің жоғарғы палатасында осы заң жобасы бойынша соңғы дауыс беруді өткізу мерзімі әзірге белгіленбеген.

Сенаттағы демократиялық көпшілік көшбасшысы Чак Шумер (Нью-Йорк штатынан) бұған дейін Конгрестің жоғарғы палатасы Украинаға «ол аяқталғанға дейін» көмек көрсету туралы заң жобасы бойынша жұмысты жалғастыратынын айтқан болатын.

Abai.kz