Сәтпаев қаласының әкімі пара алды деген күдікпен ұсталды
Сыбайлас жемқорлыққа қарсы қызмет Сәтпаев қаласының әкімі пара алды деген күдікпен ұсталғанын растады. Бұл туралы Abai.kz ақпарат агенттігі хабарлайды.
2023 жылдың қаңтарында әкім болып сайланған Шапағат Әубәкіров қазір қамауда отыр.
“Сыбайлас жемқорлыққа қарсы қызмет Сәтпаев қаласының әкімі ҚР ҚК 366-б. 2-б. бойынша сотқа дейінгі тергеу шеңберінде ұсталғанын растайды. ҚР ҚПК-нің 201-бабына сәйкес өзге ақпарат жария етуге жатпайды”, – деп мәлімдеді антикор.
Әлеуметтік желілерде әкімнің мердігерден 10 миллион теңге пара алып жатқан жерінде ұсталғаны жариялануда.
Abai.kz
